Nouvel homicide en Haute-Corse
(A redazzioni d'Alta Frequenza) - Ciò chì era statu discrittu ind'un prima tempu com'è un accidentu murtali di a strada in Corsica Suprana da i servizii di succorsu, hè finalmenti un assassiniu. Un ghjuvanottu di 22 anni, Gabriel Cortes, chì stava ind'u Ponti à a Leccia, hè statu ritrovu mortu arisera (dumenica) versu 11 ori vicinu à a so vittura, in Omessa, paisolu di Capuralinu. Ùn hè cà dopu à u trasferimentu di a vitttima à l'uspidali di Bastia calchì ora dopu chì l'impatti di balli sò stati scuparti, in capu è nant'à a spalla. Gabriel Cortes saria cunnisciutu da i servizii di pulizza solu pà deliti minori. Nisun ipotesi hè schisata par avà, l'inchiesta hè stata cunfidata à a pulizza ghjudiziaria d'Aiacciu. Hè u seiesimu assassiniu in Corsica dipoi u principiu di l'annata.
Sur le même sujet
