Nouvel homicide en Haute-Corse
(A redazzioni d'Alta Frequenza) - Un intraprenadori di Muriani (Corsica Suprana) hè statu tombu in principiu di dopu meziornu à u crucivia di u locu dittu Prunete in piaghja urientali. I fatti sò accaduti mentri chì a vittima, chì vinia di compia di magnà ind'un risturanti di u bordu di mari, avia ricuparatu u so veiculu. L'omu, 45 anni, era in fatti ind'a stazioni serviziu BP di issi lochi. Unu o parechji tirardori l'ani sparatu adossu, mentri ch'ellu cunducia a so vittura. L'intraprenadori hè mortu subbitu. Un perimetru di securità hè statu missu in ballu, è i servizii inchiestadori rializeghjani i primi custatazioni è rilevani indizii. Hè a Pulizza Ghjudiziaria chì hè incaricata di u cartulari.
Sur le même sujet
