Nouveaux accidents de la circulation en Haute-Corse
(A redazzioni d'Alta Frequenza) - Parechji accidenti di a strada issu dopu meziornu (ghjovi) in Corsica Suprana. À u nivellu di u paesi di Petralba, nant'à a Balanina, dui vitturi si sò inticciati par raghjoni sempri scunnisciuti. Dui parsoni, frà i quali una ferita di modu gravi, sò stati trasferiti nant'à l'uspidali di Bastia. Nant'à a strada di u bor di mari trà Calvi è Galeria, un omu à motò hè statu rinvirciatu da un camiò. A vittima, suffrendu di feriti d'impurtanza mezana, hè stata dinò traspurtata nant'à Bastia via l'elicotteru Dragon 2B. Eppo, dui altri accidenti sò accaduti calchì ora à a fila nant'à u ponti di Castirla, direzzioni Niolu. Un omu hè cascatu da a so motò è dui altri parsoni à motò ani inticciatu un camiò. Iss'ultimi sò stati feriti cà pocu, ancu di grazia.
Sur le même sujet
