Nouveau drame de la route en Haute-Corse
(A redazzioni d'Alta Frequenza) - Novu accidenti murtali eri in fin di ghjurnata (marti) in Corsica Suprana, in Aleria nant'à a strada naziunali 200. Un scooter è un 4X4 si sò inticciati par raghjoni chì ùn sò ancu cunnisciuti esattamenti. Dopu à ss'inticciu viulenti, u cunduttori di u scooter, un uparariu agriculu di una sissantina d'anni, hè mortu. Malgradu i sforzi di i succorsi ghjunti in furia sopralocu, a vittima ùn hà micca pussutu essa salvata. Hè a 35a vittima di un accidenti di a strada in Corsica quist'annu. L'omu chì cunducia u 4X4 ùn hè micca statu feritu.
