Nouveau drame de la route en Corse-du-Sud
(A redazzioni d'Alta Frequenza) - Ci hè statu un novu dramu nant'à a strada ssa dumenica dopu meziornu in Corsica Suttana, trà Ulmetu è Prupià. Sicondu i primi elementi racolti, un adulescenti di 16 anni nant'à una motò hà pichjatu contr'à dui vitturi chì viniani inde l'altru sensu. Ghjunti in furia sopralocu, i succorsi ani presu in carica a ghjovana vittima; ma par disgrazia, quissa quì hè morta duranti u so trasportu à l'uspidali d'Aiacciu in elicotteru. Torna una volta, vi racumandemi a prudenza a più strema par ùn veda più drami simuli.
Sur le même sujet
