Nouveau débrayage aux finances publiques de Haute-Corse
(A redazzioni d'Alta Frequenza) - Ssu marcuri, c'hè statu un muvimentu di scuntintezza in a direzzioni generali di i finanzi publichi di Corsica Suprana à a chjama di l'intersindicali CGT-FO-FSU. Un'azzioni pà dinunzià un prughjettu novu di riurganisazioni di i servizi, chì sbuccaria par asempiu sicondu i sindicati nant'à a suppressioni di u centru di l'impositi di Cervioni è nant'à suppressioni d'impieghi inde l'internu. L'intersindicali, sustinuta da i merri di zoni cuncirnati, dinunzia torna un gattivu colpu contr'à u serviziu publicu, tuttu què mentri chì u raportu splusivu di a Corti di i Conti mittia in risaltu calchì simana fà mancanzi nentru à i servizi di i finanzi publichi in Corsica.
Steti à senta à Jean Pierre Battestini pà l'intersindicali.
