Nombreux incendies en Haute-Corse
(A redazzioni d'Alta Frequenza) - Una dicina di fochi s'hè dichjarata oghji (dumenica) in Corsica Suprana. U risicu hè forti nant'à u dipartimentu, cù un ventu putenti chì soffia nant'à certi lochi. Frà i più impurtanti, unu in Oletta, à u locu dittu Padule, duva 2 ettari sò stati calcinati. A situazioni hè oramai ammaistrata, grazia à l'intarvinzioni di mezi umani è aerei. In Lucciana, cantu Livanti di l'aeruportu di Bastia-Poretta, 2 ettari di vegetazioni sò stati brusgiati quì dinò. Stalli, stazzali, è un dipositu pà fochi d'artifizii sò stati minacciati un tempu da issu sinistru. Una vintina d'omi è un Canadair agiscini sempri nant'à a zona. Eppo in Castagniccia, trà i paesi di San Larenzu è Orezza, 5000m2 sò stati brusgiati. Canadair, elicotteru da lampà acqua è mezi umani sò intarvinuti da parà issu focu.
Sur le même sujet
