Net recul du nombre de demandeurs d'emplois en Corse
(A ridazzioni d'Alta Frequenza) - A prifittura lla Corsica hà annunciatu vennari una bedda calata di u numaru lli dumandadori d’impiecu pà a terza trimisata llu 2018. U numaru di i parsoni scritti à Pôle Emploi, è custretti à circà un impiecu, hè rinculatu chì sò dui trimisati di fila. Sò, par fà una media, 21950 parsoni in issa situazioni, pà a terza trimisata llu 2018, issu liveddu issendu u più bassu dipoi u 2015. Pà u tempu d’un annu, si vidi ancu di più ch’idd’hè middurata a situazioni llu marcatu llu travaddu in Corsica, cù una calata di 2,9 %, veni à dì 650 parsoni di menu chè annu. Issu meddu prufitta à tutti, ancu à i più anziani chì, par iddi, calata ùn si n’era vistu dipoi u 2008.
