Neige : Vigilance jaune en Haute Corse
Photo d'archive
Meteò france hà missu u Cismonti in vighjulanza giadda, parvia di a nivi, da duminica, u 3 di ghjinnaghju, à ott’ori di sera, sinu à luni, u 4 di ghjinnaghju, sinu à sei ori di sera à u minimu.
Pighjurisci u tempu in muntagna, parvia lla nivi chì duvaria falà in a notti da duminica à luni.
Duminica, in sirintina, a limita trà acqua è nivi hà da bambià trà 700 è 900 metra. In cor’di notti è sinu à luni, si duvaria truvà à 700m.
Colpu à colpu, a nivi pudaria ancu falà à 400 o 600 metra, in i circondi di Corti è u centru.
Da quì à luni dopu meziornu, s’aspettani :
- da 5 à 10cm in i circondi di Corti, da 4 à 600m.
- da 700 à 900m, da 10 à 20cm, è ancu forsa 30 à locu à locu.
- da supra à 900m, da 20 à 40cm, è à locu à locu 50cm, da supra à 1200m.
In sirintina duminica, è in prima notti, pudariani falà 5 cm di nivi à l’ora.
In a ghjurnata di luni, da 1 à 3cm à l’ora pudariani falà in muntagna à Punenti è in u centru. L’affari si duvaria appacià in fin’di dopu meziornu o in sirintina.
S’arricumanda dunqua à ugnunu di fà attinzioni bè à a nivi è à a ghjaccina.
Innanzi di fà strada, chjameti puri u PC Nivi lla Cullittività, à u 04 95 46 17 12, è piddeti incù voscu l’attrazzi spiciali pà a nivi.
