National 2 : le SC Bastia débute avec une belle victoire contre la réserve de Reims (3-1)
(A ridazzioni d'Alta Frequenza) - In u campiunatu amatori di Naziunali 2, u SC Bastia hà attaccatu bè a so staghjoni, battindu à riserva llu Stade de Reims 3 à 1. Erani 6000 l’aienti da sustena a squadra. À tempu principiatu u scontru, u Sporting facia u ghjocu, chì i ghjovani di Reims erani beddi intimuriti.
Dopu à un quartu d’ora di ghjocu, Salles-Lamonge rimittia un calciu di pinalità à nantu à Mesbah chì piddaia à Diouf à u sumbrettu.
Fatta una mez’ora di ghjocu, a squadra di Reims rimpattaia u so ritardu cù un marcu di Shamal.
In u sicondu tempu, à a 49esima minuta, Mesbah daghjia l’avanzu d’un marcu à u Sporting cù un calciu di riparu. Ben’ch’iddu sichi statu un pocu cunfusu l’ultimu quartu d’ora, masimu in mezu tarrenu, Etshimi mittia un terzu marcu par Bastia dopu à 86 minuti di ghjocu.
Sur le même sujet
