Municipales : U Riacquistu di Portivechju présente son bilan
(A redazzioni d'Alta Frequenza) - In Purtivechju, dopu à l'alizzioni nova di Georges Mela, hè l'ora di u bilanciu, par asempiu pà l'indipendentisti d'U Riacquistu, chì ani prisintatu u soiu duranti una cunfarenza di stampa ssu marcuri. U muvimentu naziunalistu hè vultatu annant'à a campagna eletturali, dinunziendu "un sistema chì faci svià a demucrazia da u so scopu primu", è l'assenza di un "veru eletturatu corsu", ghjustifichendu cusì u risultatu di l'urni ind'a cità di u Sali. U Riacquistu hà parlatu dinò torna una volta di "logica di spiccanza pulitica cù a sclusioni contr'à u muvimentu patriotticu", pà ciò chì tocca ssa famosa cundizioni chì ùn l'hà micca parmissu d'integrà a dimarchja d'unioni iniziata da u muderatu Ghjuvan Cristofanu Angelini cù a manca purtivichjaccia, inde l'uppusizioni. U muvimentu indipendentistu, chì riteni tutti i lizzioni di ssi fatti quì, voli dì oghji più cà mai ch'ellu hè l'unica alternativa à u cambiamentu in Purtivechju, purtendu in piazza publica tutti i sughjetti fundamintali chì toccani a pupulazioni.
Steti à senta à Olivier Sauli, pà u Riacquistu di Portivechju.
Sur le même sujet
