Municipales d'Ajaccio : pas d'union Femu Aiacciu/Simon Renucci
(A redazzioni d'Alta Frequenza) - Ùn ci sarà micca unioni trà a lista Femu Aiacciu-Femu a Corsica è quilla purtata da Simon Renucci pà u sicondu ghjiru di l'alizzioni municipali d'Aiacciu. José Filippi è l'altri membri di a so lista ani fattu st'annunziu arimani in principiu di dopu meziornu (marti) dopu à una riunioni nova. Un cumunicatu hè statu lettu à a stampa ghjustu dopu. Inde quissu quì, i naziunalisti muderati amentani una "cunfusioni strema dopu à u prima ghjiru" o ancu "cuntradizzioni chì sò spuntanti inde i forzi di manca", affari chì "ùn parmettini micca d'ingaghjà annant'à basi valevuli un'uppusizioni efficaci di pettu à a diritta". Da un'antra banda, nisun cunsigna di votu hè stata data par u mumentu.
Steti à senta à José Filippi, leader di Femu Aiacciu-Femu a Corsica, cù com'è cumunicazioni unica par avà a littura di ssu cumunicatu.
