Municipales ajacciennes : le caméléon sur la couverture
(A redazzioni d'Alta Frequenza) - U gruppu Aiaccini, quillu chì hà participatu à partasi di u prima ghjiru à a lista d'unioni purtata da Simon Renucci duranti l'ultima municipali, hà datu dopu meziornu (marcuri) una cunfarenza di stampa. U muvimentu hà dittu ch'ellu era assai dillusu è scandalizatu da l'evuluzioni di ssa campagna eletturali. 4 000 voti persi in deci mesi, ghjenti di manca chì ghjocani cù u suffraghju universali, u travaghju negativu di certi parsunalità in mancanza di ricunniscenza ani cuntribuitu, dici u gruppu, à a disfatta di a lista "Uniti pà l'avvena". Aiaccini tira particularmenti à balli rossi annant'à a pusizioni di Femu Aiacciu-Femu a Corsica. Un'infrasata stratta da u cumunicatu ufficiali merita d'essa citata di manera sana : "u campanilisimu bastiacciu hà tombu a vulintà di millai di naziunalisti aiaccini, ciò ch'ellu bramava u populu, certi rispunsevuli naziunalisti ùn n'ani micca tinutu contu... A mosaica Femu, s'hè persa in cunghjunturi interni, cambiendu d'avisu sicondu i so furtuni eletturali. A strategia di u cameleoni annant'à una cuverta scuzzesi hà campatu abbastanza". L'Aiaccini, chì sò suddisfati da un'antra banda da u cumpurtamentu di Corsica Libera, dicini vulè ghjucà com'ellu ci voli u so rollu inde l'uppusizioni municipali nova.
Steti à senta à Josée Grimaldi D’Esdra.
Sur le même sujet
