Municipales à Porto-Vecchio: U Riacquistu présente une analyse sur la délinquance
(A redazzioni d'Alta Frequenza) - U Riacquistu di Portivechju, purtatu da u so candidatu à i municipali di u 2014 Michel Giraschi, hà tinutu ssu ghjovi dopu meziornu una cunfarenza di stampa. U partitu naziunalistu vulia prisintà un'analisi nant'à a delinquenza ind'a Cità di u Sali, rializata dopu à a publicazioni di statistichi ind'u ghjurnali L'Express. Di fattu, d'appressu i sciffri di l'Express chì meritariani d'essa apprufunditi, Purtivechju saria a siconda cità di Francia pà ciò chì tocca à i distruzzioni di bè, è pà quilli vulintari contr'à l'integrità fisica; a cità saria dinò a cinquesima zona à u nivellu di l'arrubecci in casa, cù ssu sciffru sprupusitatu di più di milli accaduti in u 2012 sicondu u ghjurnali. Statistichi chì, pà u Riacquistu di Portivechju, cunfirmeghjani solu u mal essa è i difficultà di a sucità purtivichjaccia, cù una pupulazioni di più in più povara è una rumpitura suciali di più in più impurtanti. Pà cambià ssa sorti quì, una sola suluzioni: riveda di modu sanu u mudellu di sviluppu ecunomicu è suciali di a cumuna.
Steti à senta à Michel Giraschi, chì faci dinò parechji pruposti pà sradicà a delinquenza in Purtivechju.
