Municipales à Porto-Vecchio: Michel Giraschi milite pour une agriculture et un élevage retrouvés
(A redazzioni d'Alta Frequenza) - Agricultura sempri, ma cù un angulu abbastanza sfarenti, postu chì ssa tematica pighja dinò tuttu u so sensu ind'a campagna di l'alizzioni municipali, in Purtivechju par asempiu. U Pianu Lucali d'Urbanisimu di a cumuna, si sà, hè statu annulatu, è unu novu duvarà dunqua essa elaburatu essendu stavolta in leia cù l'urientazioni vulsuti da u futuru Padduc. Ed hè ghjustu appuntu ind'u quadru di a scrittura à l'avvena di un novu PLU chì intrarà par un dettu ssa prublematica di l'agricultura. Michel Giraschi, numaru unu di a lista di i naziunalisti di U Riacquistu di Portivechju, hà vulsutu ammintà u sughjettu duranti una cunfarenza di stampa ssu marti. D'appressu à ellu, l'agricultura è l'allevu ùn ani più in Purtivechju u so rollu di tandu, annigati ind'un "sistema liberali" di "tuttu turisimu", è induva par asempiu tarri agriculi, aldilà di a crescita di u so prezzu, sò stati sclassificati in zona duva si pudia custruiscia à a vigilia di l'annulazioni di u PLU. Pà cambià ssa sorti quì, U Riacquistu di Portivechju pruponi à mezu à altri cosi, pà u novu Pianu Lucali d'Urbanisimu, a missa in piazza di un Pianu d'Occupazioni Pasturali.
Steti à senta i pricisioni di Micheli Giraschi.
Sur le même sujet
