Municipales à Porto-Vecchio: Jean-Christophe Angelini en difficulté
(A redazzioni d'Alta Frequenza) - U primu ghjiru di l’alizzioni municipali s’hè dunqua passatu ind’i cundizioni ch’è no sapemi cù torna una volta un’isula chì và à u cuntrariu di i tindenzi naziunali. In fatti, a participazioni, assai bassa in altrò, trapassa in Corsica guasgi dapartuttu i 70% - certi volti ancu di più – ciò chì dimostra torna chì ind’è noi a pulitica ferma un veru sport naziunali. Ci voli à essa sapientoni o in u sicretu di i dii pà sapè ciò chì si passa in ssu mumentu pricisu à u nivellu di i neguziazioni trà l’uni è l’altri. Ind’i lucalità duva u sicondu ghjiru ferma daveru apartu, l’uparatori telefonichi ùn ci ani micca fattu sapè splusioni di standards, eppuru si sà chì l’affari hè in traccia di bolla in materia di cumunicazioni. Parechji riunioni sò in corsu ma hè assai diffiuli di dì quali hè chì scontra à quali à un mumentu pricisu ; ciò chì hè sicuru, hè chì dumani à 6 ori di sera, tuttu sarà compiu è chì i novi listi, s’è no custatemi ricumpusizioni, sarani prisintati. Ritornu dunqua à presi di pusizioni arrighjistrati oghji, vali à dì più di 12 ori dopu à a fin di u primu ghjiru. Basta ssu rinculu ?
Steti à senta à Ghjuvan Cristofanu Angelini chì hà cunnisciutu un primu ghjiru assai luntanu da i spiranzi ch’ellu avia fattu cunnoscia.
Sur le même sujet
