Municipales à Biguglia : Paul Alfonsi détaille son programme
Municipales à Biguglia : Paul Alfonsi détaille son programme (Photo fournie par le candidat)
In fin’ di sittimana passata, Paul Alfonsi, u candidatu d’uppusizioni à a mirria di Biguglia, hà prisintatu u so prugrama mentri un meeting, ind’iddu c’era in prisenza à sustena lu François-Xavier Ceccoli, u diputatu lla siconda circuscrizzioni di u Cismonti.
Paul Alfonsi vurria dinamizà a videosurviglianza è creà una pulizza municipali armata.
À liveddu di i scoli, hà prumissu un veru rinovu.
Trattendu si d’ecunumia, hà dittu ch’iddu ùn ni vulia stabilì zoni cumirciali maiori, ma ch’iddu vurria metta in anda un veru sviluppu ecunomicu à scala umana. Unu di i prughjetta maestri di u candidatu hè quiddu di u campu di cursi di Biguglia, chì lacaria a piazza à un parcu maiori ind’iddi si pudariani fà parichji sport, cù a torru un giardinu butanicu.
Eccu dunqua un prugrama beddu grevu : dici u candidatu ch’iddu l’hà da pudè finanzà, ben’ch’iddi sichini in situazioni dilicati i finanzi, è ch’iddu hà da riducia à tempu a tassa fundaria di 5 % pà u 2026, è di 5 % dinò ghjuntu à mità di u so mandatu.
A suluzioni, à senta lu, si trova in una maistria middurata di i spesi di parsunali.
Steti à senta à Paul Alfonsi.
Sur le même sujet
