Municipales à Biguglia : l'opposant Paul Alfonsi lance sa campagne
Vennari, u spiziali Paul Alfonsi hà attaccatu a so campagna municipali in Biguglia, accumpagnatu da u imprisariu Marc-Antoine Fanti, da Stéphane Versini l’uppunenti storicu à Sauveur Gandolfi-Scheit, è da unu di u PNC,
A lista « Biguglia più Forti Inseme », pratesa apulitica, hè marcata da un sustegnu ghjuntu in bedda parti da u mondu dittu sucioprufiziunali, è tira piuttostu versu a dritta.
À sustena lu, c’era in u publicu Julien Morganti, candidatu d’uppusizioni in Bastia, cù quiddi di a so lista, Mathieu Ricci pà u PNC o ancu Marie-Claire Poggi pà u MCD.
Merri o eletti di a maiurità municipali di dritta di u Borgu, ghjustu à torru è mintuvata da mudellu, ùn si n’hè vistu !
U candidatu hà criticatu i sei anni di u mandatu di Jean-Charles Giabiconi.
Paul Alfonsi li rimpruvarighja unu scartu in i spesi di funziunamentu di 22,6 %, trà u 2019 è u 2023.
Issi sciffri sdicini cù a calata annunciata da u merri in piazza pà u periudu 2020-2025, è chì saria di 11,5 %.
Ma Paul Alfonsi inditta ancu un mancu d’ambizioni, è lia a so candidatura à i pinsera chì toccani certi imprisarii, cù a difficultà ad avè permessi di custruì parvia di a mancanza d’un PLU.
Dici u candidatu ch’iddu ùn si prisenta parvia d’intaressi parsunali, ma à veru cù a vulintà di fà avanzà a so cumuna.
Ancu puri ch’iddu t’achi u sustegnu di Sauveur Gandolfi-Scheit, Paul Alfonsi u mintuvighja da omu di u passatu, dindu ch’oramai ci voli à fighjulà l’avvena.
Steti à senta à Paul Alfonsi.
Sur le même sujet
