Municipales à Bastia : Paul-Félix Benedetti lance sa campagne Bastia in Core
Dopu ad avè la attimpata parvia llu timpurali, Paul-Félix Benedetti hà infini avviatu a so campagna pà i municipali di Bastia. Era affiancatu da sustegni o culistieri, com’è l’avucata Anaïs Colombani, u spinghjifocu è piscadori Jean Malpelli, u cantadori Daniel Vincensini o l’attori Henri Olmeta, ch’era in sustegnu à Inseme per Bastia in u 2014.
L’attaccu lla campagna punghji bè a municipalità attuali. À senta à Paul-Félix Benedetti, ùn hè cambiatu nudda cù issa municipalità, è sò ancu pighjurati i cosi.
U candidatu di Cori in Fronti dinuncia una crescita sprupusitata lla parti lli misati, ma dinò a situazioni lli finanzi chì saria pessima bè. S’inchieta ancu di a riprissioni par ciò chì tocca à u staziunamentu.
Paul-Félix Benedetti voli metta in risaltu u culori suciali lla so azzioni, masimu cù a vulintà di dà i piazzi libari o novi in mirria à quiddi chì, à cumpitenzi pari, sariani i più disgraziati. In u contu di i so priurità, ci hè a vulintà di ridà fiatu à a cità, è dinò a dumanda fatta à a CDC d’invistiscia si di più in i prughjetti di fundu.
Stemu à senta à Paul-Félix Benedetti.
