Municipales à Bastia : l'union Jean-Sébastien de Casalta - Jean Zuccarelli - Jean-Martin Mondoloni en très bonne voie
Luni di Pinticosta, falarà u Spiritu Santu in capu à i candidati d'uppusizioni in Bastia ? Sichi ciò ch’idda sichi, pari ch’idd’affacchi calchì luci par Jean-Sébastien de Casalta, Jean-Zuccarelli è Jean-Martin Mondoloni.
Intantu di pudè fà sposta di i listi, da quì à marti à 6 ori di sera, pari ch’idd’achini fruttatu issi riunioni.
Duminica à sera, saria statu trovu un accordu trà i trè listi, puri ch’iddu fermi quantunca calchì puntu minutu à pricisà.
Ma esci calchì voci da issi curridori : ùn ci sariani i cumunisti in iss’unioni. Tandu, dopu à anni è anni di prisenza, l’affari marcaria a sparizioni d’issa famidda pulitica da u cunsigliu municipali.
