Municipales à Bastia : Jean-Martin Mondoloni prêt à se lancer par devoir
Cù marzu llu 2020 chì s’avvicina, u muscu lli municipali si faci più prisenti. Masimu in Bastia, ind’iddi bottani, à l’affaccà llu vaghjimu, dichjarazioni d’intinzioni è candidaturi.
À manca, Jean-Sébastien Casalta si hè aghjà avviatu, mentri chì Julien Morganti moscia pezzi à pezzi u prugrama d’un candidatu ancu à dichjarà si.
À dritta, Jean-Martin Mondoloni, chì sinu ad avali ùn ci pinsaia, pari ch’iddu sichi oramai prontu à parta.
Soca ci vurrà à aspittà un pocu par ch’iddu si dichjarghi à veru, ma u capifila llu gruppu Pà l’Avvena di l’assemblea di Corsica hà accoltu issu ghjovi, à nantu à u Vechju Portu, uni pochi di sutegni fidi, da stà à senta, matriculà, è piddà a misura di a situazioni.
Jean-MartinMondoloni, sullicitatu da a so famidda pulitica, si farà dunqua un duveri d’avvià si par idda. In quantu à « Les Républicains », pari ch’iddi sichini pronti à lià si à issa candidatura.
U duveri hè una, ma l’avarà à veru a vodda d’andà ci, Jean-Martin Mondoloni ?
Eccu a so risposta
