Municipales à Ajaccio: la satisfaction de Laurent Marcangeli
(A redazzioni d'Alta Frequenza) - Laurent! Gilles! Georges! Hè cù ss'ordini da a cità a più maiò à a menu maiò, i trè nomi chì sò stati cantati in carrughju d'Aiacciu, Bastia è Purtivechju. Trè cità citadelli chì ani vistu i so muri mova duranti ssa campagna eletturali è chì sò falati, in tutti i casi pà dui. In Aiacciu, ùn sò micca solu certi candidati chì voltani à a merria ma bè una maghjurità chì ùn hè micca nova daveru postu chì a diritta hà avutu a casa cumuna duranti dicennii. Simon Renucci, largamenti favuritu ind'i sundami, perdi di pocu, ma perdi quantunqua, 281 voti chì stallani una squadra nova è forsa pà un tempu assai longu. Laurent Marcangeli sarà dunqua u novu merri d'Aiacciu in fin di sittimana duranti a ceremonia tradiziunali di stallazioni di u merri. Hà vulsutu dilla di manera chjara: à partasi d'oghji, hè u merri di tutti l'aiaccini.
Steti à senta à Laurent Marcangeli.
