Municipales à Ajaccio: internet en question
(A redazzioni d'Alta Frequenza) - Simon Renucci, duranti una cunfarenza di stampa urganizata stamani (marti), hà prisintatu u statu d'evuluzioni di u ricorsu ch'ellu hà intrudutu in tribunali amministrativu. Si tratta ben intesu di u ricorsu in annulazioni di l'alizzioni municipali d'Aiacciu chì avia vistu a vittoria di a diritta cù 281 voti di scartu di pettu à l'ultima maghjurità. Simon Renucci è a so avvucata ani dighjà custatatu più di 300 prucurazioni chì ùn sariani micca rigulari arrimbati soprattuttu à ducumenti telecaricati annant'à Internet. L'anzianu merri d'Aiacciu hà prisintatu a lettara ch'ellu hà mandatu à u prifettu di Corsica u 29 di marzu, a vigilia dunqua di u sicondu ghjiru, una lettara chì ammintava u numaru impurtanti di prucurazioni, 2500 di u numaru di scritti vali à dì 9% di l'eletturatu. U ghjudici amministrativu duvarà dunqua pighjà una dicisioni di pettu à ssa crescita impurtanti di i prucurazioni trà i dui ghjiri, 600 in più, cù à mezu à quissi 300 telecaricati.
Steti à senta à Claire Waquet, avvucata ind'u Cunsighju di Statu è à a Corti di Cassazioni annant'à ssa quistioni pricisa di i telecaricamenti.
Sur le même sujet
