Municipales 2014: démarche claire et précise pour Aiacciu Cità Nova
(A redazzioni d'Alta Frequenza) - AIACCIU CITÀ NOVA! A lista naziunalista chì sarà prisenti duranti l'alizzioni municipali di u 2014 in Aiacciu hè stata prisintata sabbatu sottu à u soli caldu di u molu di a Citadella. Si tratta par essa più pricisu di u sensu di a dimarchja parchì a lista stessa ùn hè di sicuru micca finita. I dui currenti maiò di u naziunalisimu corsu ani dunqua dicisu stavolta di marchjà insemi pà fà valè un cuncettu simplici : sarà u filu di a campagna "custruiscia un meghju campà insemi nant'à a nostra tarra". Pà què, a lista si vularà aparta à parsunalità di a sucità civili, parechji erani prisenti d'altrondi sabbatu pà a prisintazioni di a dimarchja. José Filippi, direttori di l'ADMR di Corsica Suttana, pudaria essa u numaru unu di a lista, ma zitti, ùn v'emi dittu nulla.
Steti à senta à José Filippi.
Sur le même sujet
