Municipale d'Ajaccio : sérénité et détermination pour Laurent Marcangeli avant le second tour
(A redazzioni d'Alta Frequenza) - C'era assai assai mondu ssu ghjovi à sera inde u hall di u Palazzu di i Cungressi d'Aiacciu induva Laurent Marcangeli hà urganizatu u so ultimu meeting di campagna nanzi à u sicondu ghjiru di a municipali. Un meeting à l'usu americanu cù parsunalità impurtanti di a diritta in Corsica chì erani prisenti, com'è u presidenti di u Cunsighju Generali di Corsica Suttana è senatori Jean Jacques Panunzi, o ancu l'aghjuntu à u merri di Bastia Jean Louis Milani. Duranti ss'ultimu appuntamentu datu da a squadra Marcangeli à i so difensori nanzi à u ritornu à l'urni dumenica, u candidatu hà vulsutu infiarà u publicu cù un discorsu assai mubilizatori. Una manera di compia una campagna corta infini ma assai intensa pà u diputatu d'Aiacciu chì aspetta u sicondu ghjiru cù serenità, forti di i so più di 42% racolti dumenica scorsa. Ritruvaremi à Laurent Marcangeli ind'i nostri nutiziali chì venini.
Sur le même sujet
