Municipale d'Ajaccio : Laurent Marcangeli réunit près de 1 500 personnes pour son meeting
(A redazzioni d'Alta Frequenza) - C'era assai mondu arisera (ghjovi) inde u hall di u Palazzu di i Cungressi d'Aiacciu induva Laurent Marcangeli hà fattu davanti à 1 500 parsoni guasgi u so sicondu meeting di campagna pà a municipali di dumenica, dopu à quillu urganizatu ghjustu nanzi à Natali. Parechj parsunalità di a diritta isulani sò ghjunti pà sustena l'anzianu merri è i so cumpagni di lista com'è u presidenti di u cunsighju generali suttanacciu Jean Jacques Panunzi, u diputatu di Corsica Suttana Camille de Rocca Serra, o ancu pà a famighja di u centru u capimachja di l'UDI in Corsica Jean Toma. Laurent Marcangeli hà trattatu i sfarenti tematichi chì custituiscini u so prugramma, à mezu à discorsi uffensivi è una voglia putenti di dà un soffiu novu à a cità imperiali. Ritruvaremi u candidatu in un intrattenu longu ind'u nostru nutiziali di meziornu è mezu.
Sur le même sujet
