Mouvement de grève dès ce vendredi à la Méridionale
(A ridazzioni d'Alta Frequenza) - Hè à l’arrestu da sta mani, a cumpagnia La Méridionale. U STC, a CGT, a CFDT è a CFE-CGC ani attaccatu una greva di 24 ori, ma chì pò essa ricundutta.
Issu muvimentu si faci in risposta à l’evuluzioni, ch’impinsirisci à veru, di u cartulari lla diligazioni llu sirviziu publicu marittimu pruvisoriu. S’idd’ùn cambia nudda, La Méridionale hà da essa scantata da i porti principali d’Aiacciu è Bastia, è sarà a Corsica Linea à fà u sirviziu.
Saria una perdita maiori d’attività, è un veru piriculu suciali, dicini i sindicati chì mettini in causa a so dirizzioni.
Ma issa greva hè dinò una manera di dumandà à Gilles Simeoni, u Prisidenti di l’Esecutivu, di rinuncià à issa chjama publica è d’avvià ni un’altra, chì pirmittaria – eccu a spiranza lli grevisti – di discorra cù a Corsica Linea da vultà ni à l’ufferta cumuna, chì era u modu di funziunamentu lli dui cumpagnii sinu ad avali.
Stemu à senta à Cyril Vernouil, diligatu sindicali STC di la Méridionale
