Moustiques : un cas de virus West Nile détecté en Corse
Ghjovi, l’ARS hà fattu sapè ch’idda era stata signalata una cuntaminazioni à u siscu West-Nile, in i circonda di u Borgu.
Un omu chì n’avia i sintumi hè statu presu in carica à u spidali di Bastia. A cunfirmazioni di u diagnosticu hè stata data da u Centru Naziunali di Rifarenza, u 29 d’austu.
A parsona hè pussuta turrà in casa soia, chì a so saluta ùn porta à pinseri.
Di regula, u siscu passa da l’aceddi à i zinzali, è l’omini ùn lu piddani chè à smarru.
À 80 %, a infizzioni cù issu sicu ùn ni dà, sintumi.
Colpu à colpu, si pò assumiddà à a grippa (frebba, dulori, pena in capu), è ugni tantu ci pò ancu essa unu sguasciu.
Par menu di 1 % di i casi, ci poni essa i cumplicazioni neurologichi, masimu ind’è i parsoni d’imunità debuli.
À chì t’hà calchì sintumu di quissi, devi cunsultà u medicu.
Sur le même sujet
