Mossa Palatina veut partir à la conquête des scrutins
Photo Facebook Palatinu
Cumbatta u wokismu, l’islamismu, a tiuria di u gennaru è tuttu ciò chì alluntana a Corsica da i so radichi : Nicolas Battini, u prisidenti di a Mossa Palatina, hà prisintatu sabbatu in Aiacciu i so ambizioni, è a so visioni di u naziunalismu.
Un naziunalismu chì si voli alluntanà di quiddu di a Lutta di Libarazioni Naziunali, à nomu di un cambiamentu civilisaziunali è sucitali.
Par quissa, Nicolas Battini voli purtà a Mossa Palatina à nantu à u tarrenu alitturali.
À senta lu, à i forzi naziunalisti attuali, li duvaria vena u tremulu di sapè la.
Passata iss’assemblea ginirali custitutiva, Nicolas Battini era issa duminicata « invitatu » à u meeting di Marion Maréchal.
Una prisenza rivindicata senza pinseri.
« Aparta à nantu à a quistioni di l’autunumia, favurevuli à a difesa lla lingua corsa, à prò di a prifirenza righjunali pà u impiecu è l’alloghju, com’idda a dissi di dicembri, hè par no’ un’amica di a Corsica è di u so pupulu.
Mancu ci toccani i rimprovari di l’altri naziunalisti, è ci facini ancu rida. Ch’iddi voltini tandu à praticà à Mélenchon, Jadot o Poutou, i partisgiani di a migrazioni è di a tiuria di u gennaru, l’amichi di u Hamas, quiddi chì i so strutturi li facini patrunizia pà i prisidinziali », dici in chjudenda u capifila di a Mossa Palatina, chì no’ stemu à senta.
