Mobilisation pour un service d'urgence et un scanner à Corte
(A redazzioni d'Alta Frequenza) - Parechji cintinai di parsoni sò falati in carrughju stu dopumeziornu in Corti, à l’iniziativa di un Cullittivu è cù u sustegnu d’unipochi d’eletti corsi d’ogni tindenza, pà dumandà l’apartura d’un veru serviziu d’urghjenzi è dinò un scanner à u Spidali di Corti è Tattò. Di fatti, ùn ci hè oghji cà un serviziu d’accolta incù i duttori generalisti di u spidali, è i ghjenti chì t’ani bisognu di passà un scanner sò ubligati à falà à u spidali di Bastia. Una delegazioni cumposta d’eletti com’è Ghjuvan Guidu Talamoni, di prufiziunali di a saluta è membri di u cullittivu hè stata ricivuta in sottu prufittura di Corti da discorra di sta situazioni urghjenti pà daveru. N’hè sbucciatu un accordu da migliurà u serviziu d’accolta attuali cù a ghjunta inde l’avvena d’un medicu novu, ma in quant’à a missa in piazza d’un serviziu d’urghjenzi par avali, tuttu ferma à fà.
Steti à senta à Antoine François Bernardini, chì faci parti di u cullittivu.
Sur le même sujet
