Mobilisation des étudiants infirmiers à l'IFSI d'Ajaccio
Photo CH-Ajaccio
Marcuri, i studianti infirmieri di l’IFSI d’Aiacciu ani manifistatu par dì ch’iddi erani scuntenti, dopu chì a dirizzioni achi presu sanzioni contru ad iddi, suspittendu li d’avè cumbricculatu pà una prova.
Dicini i studianti chì, parvia d’una prova parziali d’inglesu, passata via una piattaforma in ligna, sò trattati di cumbricculoni. Ma di fatti, « sò i cundizioni d’usu di a piattaforma chì sò stati mudificati senza averta ci », dicini i studianti, chì dumandani ch’iddi sichini cacciati issi sanzioni.
Dopu à una discursata cù u dirittori di l’IFSI, i so rividincazioni sò stati intesi, è i sanzioni sò stati cacciati, u dubitu prufittendu à i studianti.
