Mobilisation de Nazione contre la drogue à Bastia
Sabbatu, Nazioni hà fattu un’azzioni in Lupinu è Montesoru, par dinuncià ci « una situazioni sintumatica di i troppi travvieri liati à u trafficu di droga è à a cultura di u soldu rè ».
Hà dittu u muvimentu ch’idd’ùn si trattaia chivi d’indittà un quartieri ma di pusiziunà u prublema à liveddu puliticu.
« U trafficu di droga hè a risorza maestra di i sgaiuffi - cacciatu u mal’usu di i solda publichi – prutetta da un sistema puliticu è ecunomicu maffiusinu.
Chì dì di l’azzioni di u statu francesu chì, longu à l’anni, hà cursu appressu à i militanti naziunalisti, lachendu – in cunniscenza – i sgaiuffi piddà forza.
Issu casticu di a droga cundanna una parti di a noscia ghjuvantù à un distinu paru à quiddu di i pirifirii francesi, loca à veru fora di legi è grevi di viulenza ceca.
À pettu à issu mudellu di sucità chì porta a Corsica à a ruvina è à l’autodistruzzioni, ci voli à veru à fà la finita cù issi prucessi murtifari », spieca Nazioni.
In l’edizioni à vena, sintareti i intarvisti à issu sughjettu.
