Mission Patrimoine : deux projets retenus en Corse à Belgodère et Arbellara
Le Palazzu de Belgodère (photo mairie de Belgodère)
A Missioni Patrimoniu, sustinuta da l’animatori Stéphane Bern, è chì hè finanzata da u Lottò di u patrimoniu di a FDJ, hà sceltu i prughjetta ritinuti in ugni dipartimentu pà a prossima mani di finanzamenti.
In Cismonti, hè u Palazzu di Belgudè, custruitu in u 1852, chì hè statu ritinutu.
À senta ni a Missioni Patrimoniu, « u prughjettu purtatu da a cumuna hè in parichji parti : culturali, cù a criazioni d’unu spaziu museali, eveniminziali, cù a criazioni d’unu spaziu di cunfarenzi, ma ancu amministrativa, cù a criazioni di scagni.
In Pumonti, hè statu ritinutu u prughjettu d’unu spaziu è bastimentu privatu, in Arbiddali. I mulini d’Acoravu, custruiti trà u quindicesimu è u diciottesimu seculu, sò prisintati pà un prughjettu archititturali, agriculu, culturali è pidagogicu. L’ecomuseu di u mulinu d’Acoravu sarà in dui parti : una in drintu, cù i dui mulini è una custruzzioni più muderna, è una parti in fora, à nantu à trè ettari, da a presa d’acqua à i camari d’acqua, in u sutti tarra di i mulina.
