Mises en examen après les accidents de la circulation du week-end
(A redazzioni d'Alta Frequenza) - Missi in asamini in Corsica Suprana dopu à i dui accidenti murtali di a circulazioni a dumenicata scorsa. U ghjuvanottu di una vintina d’anni, chì avia inticciatu un veiculu chì ghjunghjia inde l’altru sensu, ind’A Ghisunaccia, è duranti u quali una mamma di famighja hè morta, hè statu missu in asamini pà « umicidiu micca vulintariu » cù circustanzi impighjuriti è « acquistu, trasportu è usu di droghi ». Inde iss’inticciu, i fighjoli è u maritu di a vittima sò stati feriti di modu gravi. Sò sempri à l’uspidali. U ghjovanu guida pinsatu rispunsevuli hè statu cuntrullatu pusitivu à u test d’alcolemia. Hè oramai sottu à i marchjoni. Pà ciò chì tocca à l’accidenti di u ghjornu stessu in Ponte Leccia, quillu chì guidava u camiò ind’u quali hè mortu u passaghjeru dopu à un’isciuta di strada hè statu missu in asamini anch’ellu. Ùn saria micca auturizatu in fatti à guidà issu gennaru di veiculu. Ferma sottu à i marchjoni fin'è ghjovi, ghjornu duva un dibattitu cuntradittoriu sarà urganizatu.
