Mise en valeur du complexe archéologique d’Aleria : un projet ambitieux ?
(A redazzioni d'Alta Frequenza) - A valurisazioni, a gistioni, a cunservazioni è u studiu di u cumplessu archeulogicu d'Aleria dicisi da una cunvenzioni di partenariatu trà a Cullittività Tarrituriali di Corsica è u Cunsighju Dipartimintali di Corsica Suprana trà u 2015 è u 2017. U raportu, prisintatu à u votu di l'eletti di l'Assemblea di Corsica, hè statu aduttatu. U cumplessu archeulogicu d'Aleria, unu di i siti i più rimarchevuli di u mondu anticu è di u spaziu mediterraneu, hè cumpostu ramintemula di i vistighi di una cità rumana, di paesi protostorichi è di una necrupola prerumana, pruprietà rispittivi di a CTC, di u Cunsighju Dipartimintali è di u Statu. Ma, l'arnesi culturali attuali sò vechji, manca una vera struttura d'accolta di i publichi pà daveru è a so prumuzioni hè cumplicata oghji da altri fattori. U scopu, grazia à ssu partenariatu trà a Cullittività Tarrituriali di Corsica è u Cunsighju Dipartimintali di Corsica Suprana, hè chì u cumplessu archeulogicu divintessi un puntellu maestru di u sviluppu ecunomicu è turisticu di l'isula. Valérie Franceschi, cunsighjera tarrituriali di u gruppu liberali è aghjunta di u merri d'Aleria hà trovu ssu prughjettu pocu ambiziosu di pettu à u putenziali di u situ.
A stemi à senta.
Sur le même sujet
