Mise en œuvre du - pass sanitaire - dans certains centres commerciaux de Corse du Sud à partir de lundi
Eccu un cumunicatu lla prifittura lla Corsica :
« In cunfurmità cù a dicisioni presa mentri u Cunsigliu lla Difesa di marcuri, ci voli oramai u Pass sanitariu pà i centra cumirciali di più di 20 000 m², in i dipartimenta chì a incidenza franca i 200 casi par 100 000 abitanti. U Pumonti, cù una incidenza à 625, hè toccu da issa misura.
Ci sò stati i scambii cù i rispunsevuli lli centra cumirciali llu dipartimentu ch’entrini in issa catiguria :
- U centru cumirciali Atrium
- U centru cumirciali Grand Ajaccio Baleone
- U centru cumirciali Géant Ajaccio La Rocade.
A prifittura l’hà dumandatu di metta in anda i virifichi llu Pass Sanitariu in i so stabiliemnta, à parta si da luni u 16 d’austu.
A mascara ci sarà d’ublicu, à parta si da 12 anni.
U libaru accessu à u spaziu vaccinali ch’hè in u centru cumirciali « Grand Ajaccio Baleone » devi essa assicuratu cù misuri presi da u rispunsevuli d’issu centru.