Meurtre de Moriani : l'enquête débute
(A redazzioni d'Alta Frequenza) - L'inchiesta principia dopu à u novu assassiniu d'arimani (vennari) in Corsica Suprana. François Masini, 48 anni, hè statu tombu versu 10 ori è 55 in Muriani, nant'à a strada di Santu Niculau. I gendarmi ani trovu u so cadavaru, drentu à a so vittura tocca da parechji balli chevrotine, sicondu i primi elementi racolti. Mezi impurtanti di succorsi è d'inchiesta sò stati mandati sopralocu. A vittima, tocca in capu è in pettu, hè stata intrappulata mentri ch'ella viaghjava nant'à issa strada piuttostu pocu fraquintata. A prifittura di Corsica hà aghjustatu, frà altru, chì François Masini era cunnisciutu da i servizii di pulizza, pà un arrubecciu armatu inde l'annati 1980. L'inchiestadori s'intaressani à una vittura ritrova brusgiata micca troppu luntanu da i lochi di l'assassiniu è chì saria stata utilizata forsa da u o i tiradori. L'inchiesta hè stata cunfidata à a pulizza ghjudiziaria.
