Meurtre de Corte : l'enquête débute
(A redazzioni d'Alta Frequenza) - Principia l’inchiesta dopu à l’assassiniu stanotti (di ghjovi à vennari) in Corti di una ghjuvanottu di 27 anni. Jean-Baptiste Baghioni hè statu tombu da parechji balli, mentri ch’ellu era vicinu à l’università, viali Jean Nicoli. Ùn era micca un studienti sicondu à gendarmeria di Corti. Nisuna via hè schisata pà ciò chì tocca à i circustanzi di i fatti. Rissa murtali o trappula, i gendarmi è a sizzioni di ricerchi di Corsica, incaricati di l’inchiesta, ùn ni dicini micca di più par avà. A vittima era urighjinaria di u Castellare di Mercuriu è d’Aiacciu. Hè morta calchì minuta dopu à a so intrata à l’uspidali di Corti. Ma una volta i succorsi sopralocu, Jean-Baptiste Baghioni era in arrestu cardio rispiratoriu. L’investigazioni frà altru scentifichi cuminciani ghjustu avà, è u calibru utilizatu da u o i tiradori ùn hè pussutu essa pricisatu.
