Meurtre à Pietracorbara : l'enquête se poursuit
(A redazzioni d'Alta Frequenza) - Dopu à l’assassiniu di Joseph Leoni ssa dumenica in Petracurbara, un omu hè statu missu in guardia custodia. Si trattaria di u fighjolu di a vittima. Arristatu duranti u dopu meziornu, hè oramai intesu da i servizi inchiestadori. Ramintemi chì u cadavaru di Joseph Leoni hè statu scupartu dumenica da mani da a so cumpagna. Quand’elli sò ghjunti sopralocu, i succorsi ani custatatu subbitu ch’ellu era statu tombu da un’arma par andà à caccia. Ramintemi dinò chì un’arma hè stata ritrova vicinu à a vittima, ma ùn si sà par avà s’è u tiradori s’hè ghjuvatu o micca di quissa quì. Hè ciò chì l’inchiesta è prima l’autopsia duvariani parmetta di cunnoscia.
