Météo : malgré l'accalmie, la prudence et la vigilance demeurent
(A redazzioni d'Alta Frequenza) - Pari chì l’affari si calmessi da u cantu di a meteò, ma a vigilenza è a prudenza sò torna una volta racumandati, dopu à l’uffensiva di u fretu è di u ventu in Corsica. Nant’à a strada, prima, a circulazioni si faci nurmalamenti nant’à l’insemi di a reta principali, è frà altru in Vizzavona. Malgradu tuttu, u PC strada di a Cullettività Tarrituriali racumanda a più grandi prudenza, postu chì a strada pò inghjinnà sculisciati in certi lochi par via di a nevi. À u nivellu di a reta elettrica, tutti l’usadori ani ritrovu u currenti ind’a sirata (dumenica). Eppuru, i cundizioni di travaghju di l’omi d’EDF sò stati assai disturbati, soprattuttu ind’u Taravu, duva un agentu hè statu elettrizatu. Iss’ultimu hè statu traspurtatu subbitu à l’uspidali d’Aiacciu. Ancu di grazia, qualsiasi periculu hè schisatu.
Sur le même sujet
