Météo : alerte orages en Haute-Corse
(A redazzioni d'Alta Frequenza) - Météo France hà lanciatu un'alerta meteurulogica "Timpurali" à nivellu aranciu 3, pà a Corsica Suprana. A perturbazioni d'acquati è di timpurali hà da tuccà u dipartimentu issu marcuri u 31 d'uttrovi à partasi da 4 ori di mani fin'è a sirata (versu 8 ori). A ghjurnata di marcuri sarà assai disturbata : s'aspetta, da quì a fini di l'episodiu, quantità d'acqua assai impurtanti, in particulari nant'à u latu urientali, cù cumuli da 100 à 120 litri à u m2 o ancu 150 litri ; à punenti, l'intensità hè menu forti, da 20 à 40 litri à u m2, pà certi lochi 60 litri. Tuttu què accumpagnatu da buffulati forti di ventu da 50 à 80 chilometri par ora, in certi lochi 100 chilometri à l'ora. A più grandi prudenza è a più grandi vigilenza sò racumandati.
Sur le même sujet
