Menaces de mort à l'encontre de Stéphane Sbraggia : de nouvelles condamnations et messages de soutien
Sò stati parichji i riazzioni, dopu à i minacci purtati contru à Stéphane Sbraggia, u merri d’Aiacciu.
L’uppusizioni municipali hà fattu senta a so voci.
Jean-André Miniconi, di u gruppu « Aiacciu pà tutti », hà dittu ch’idd’ùn pò essa minacciatu, un elettu, parvia di i so scelti pulitichi. I prissioni è minacci, nè poni nè devini pisà à nantu à i dicisioni pulitichi. U merri ci truvarà sempri à fiancu ad iddu di pettu à issi minacci.
Jean-François Casalta, à nomu di « Pà Aiacciu », hà dittu ch’idd’ùn si poni suppurtà issi prissioni contru à l’eletti : sò à l’uppostu di u funziunamentu nurmali d’una sucità dimucratica. Ci voli à ramintà chì a risuluzioni missa in causa hè stata vutata à l’unanimità. Issi minacci, vigliacchi è zotichi, ùn devini fà calà a ditirminazioni di i parsoni chì sò in rispunsabilità.
Jean-Christophe Angelini, u merri di Portivechju, dici chì issi minacci senza scusa ùn si poni accittà.
Louis Pozzo di Borgo, u prisidenti lla Cumunità d’Agglumirazioni Bastiaccia, parla di « metudi d’intimidazioni chì sò à l’uppostu in tuttu di a sucità corsa appaciata è dimucratica chì no’vulemu custruì ».
Sur le même sujet
