Maurice Costa abattu en Haute-Corse
(A redazzioni d'Alta Frequenza) - Novu assassiniu in Corsica Suprana stamani (marti). Maurice Costa hè cascatu sottu à i balli di unu o parechji tiradori ind'u Ponte à a Leccia, spaziu Salvarelli. A chjama hè stata lampata versu 11 ori di mani. Pari chì a vittima sighi stata tocca da parechji balli di grossu calibru, mentri ch'ella era nant'à un parking di un magazenu di stuvigli è una macellaria. Hè a pulizza ghjudiziaria bastiaccia chì hè incaricata di u cartulari. Da nutà chì una vittura in focu hè stata ritrova vicinu à u ponti di Castirla. L'inchiestadori stimani ch'ella pudaria essa a vittura di o di i tiradori.
Sur le même sujet
