Mathématiques et médecine : Une conférence commune pour lutter contre les cancers pédiatriques
« Parchì a intilligenza artificiali pò aiutà à middurà i trattamenta di i cancari lli ziteddi ? ».
Ghjovi à setti ori di sera, in Veru, u prufissori Dominique Barbolosi, duttori in matimatichi, è u duttori Xavier Muracciole ani da animà una cunfarenza à nantu à issa timatica, mittindu in risaltu i prugressi lla scenza è lla midicina in issu duminiu.
Chì oramai medichi uncologhi, matimaticanti è circadori travaddani insemi, da ghjunghja à fà li efficaci quant’iddu si pò, i trattamenta.
Ma chì sarà issu travaddu, è comu si passarà ? Mentri a cunfarenza, i dui spicialisti circarani à risponda à issi quistioni, chì si tratta chivi d’una prisintazioni pruposta à u publicu da sinsibilizà lu.
Da avvià issa sinsibilisazioni, ci sò ancu i lei forti chì si facini cù l’università di Corsica.
Steti à senta à Dominique Barbolosi, matimaticanti di a squadra COMPO (Computional in Oncology) di l’università d’Ecchisi è Marseglia.
Pà u duttori Xavier Muracciole, ci voli à muscià u intaressu d’issa cullaburazioni, chì permetti di middurà i trattamenta à curtu andà, è di limità l’effetti sicundarii à longu andà.
Steti à senta u duttori Xavier Murraciole, radioterapeutu di i spidala di Marseglia, chì hè ancu iddu di a squadra COMPO.
Sur le même sujet
