Maternité de Porto-Vecchio : les explications de l'ARS de Corse
In fin’di dopu meziornu, l’ARS di a Corsica hà fattu una cunfarenza di stampa par parlà di a situazioni è di a greva privista oghji, à l’urgenzi è a maternità di a clinica di Portivechju.
Dici Marie-Hélène Lecenne ch’idda capisci i pinsera di u tarritoriu, è ch’idda voli rittificà l’ughjittivi privisti da l’Agenza in u quadru di u Schema Righjunali di Saluta.
Hà dittu a dirittrici di l’ARS ch’idda vulia pinsà un mudellu ibridu, una pruposta à veru atipica.
Ci vol’dunqua à pinsà à un Centru Perinatali di Vicinanza chì trattaria i parti, o à una maternità chì suvitaria i missioni di u centru.
«Ùn hè micca iè o innò» hà cuntinivatu Marie-Hélène Lecenne, pricisendu ch’idda vol’ cunvincia à parigi di a nicissità d’un mudelu particulari.
Ma bastarà à cunvincia l’eletti è l’urganisazioni di sustegnu ?
L’affari ùn hè mancu stampa sicuru, masimu chì l’Agenza Righjunali lla Saluta hà missu in anda un prucidimentu di riquisizioni, di pettu à a greva privista oghji.
Steti à senta à Marie-Hélène Lecenne.
