Match de la Squadra Corsa : l'Aiutu Studientinu partie prenante
(A Redazzione d'Alta Frequenza) - U macciu di a Squadra Corsa di u 29 di maghju contru à u Burchinà Fasò, in Furiani, pirmittarà dinò d'avvià un'azzioni caritativa. Di fatti, par ugni piazza vinduta, un auru sarà datu à l'Aiutu Studiintinu. Da parichji anni, studianti si sò accolti in associu, da aiutà i so camarati i più spruvisti chì, ùn la li fendu à chjuda bè è meddu u so mesi, ani bisognu di l'Aiuti Alimintarii da nutrì si di manera curretta. Più vani l'anni è più cresci u numaru di quiddi chì binifiziighjani di a mercia alimintaria spachjata da l'associu. Cussì hè missa in risaltu a pricariità di tanti i studianti in l'Università di Corsica. Steti à senta à Jeanne Ferrari
