Maritime : vers un déblocage selon Patrick Rocca
Photo Linkedln
(A redazzioni d'Alta Frequenza) - Si và ver di a fini di u blucchimi : i parolli sò quilli di Patrick Rocca, rispunsevuli di a MCM (anziana SNCM) chì s'hè intrattinutu cù i marinari di a CGT dopu a so assemblea generali ssu luni da mani nant'à u Danielle Casanova. I grevisti avariani dicisu di fattu di sbluccà a situazioni dopu avè uttenutu guaranzii da a parti di u pruprietariu novu è di a Méridionale cuncirnendu par asempiu a nuzioni di bandera francesi è di sviluppu di i ligni. Un cumunicatu cumunu duvaria essa scrittu ind'a ghjurnata. Da un'antra banda, u sindicatu avaria presu cunniscenza di a vulintà di a CTC di fà avanzà u cartulari. Una cuncertazioni chì Patrick Rocca brama dinò ellu, stimendu par asempiu chì u blucchimi di u battellu di a Corsica Linea ùn hà da risolva nulla.
Steti à senta à Patrick Rocca.
Sur le même sujet
