Maritime : les grandes manœuvres
(A redazzioni d'Alta Frequenza) - À u mumentu induv'ellu c'era in Marseghja u cumitatu d'intrapresa di a MCM, è calchì minuta nanzi a prima stallazioni di a cumissioni spiciali nant'à a prublematica di a cumpagnia regiunali, Ghjuvan Filici Acquaviva hà datu una cunfarenza di stampa. U presidenti di l'Uffiziu di i Trasporti hè vultatu nant'à a situazioni in u duminiu di i trasporti è par asempiu nant'à l'ultima riunioni di l'Assemblea di Corsica. Hà prisintatu dinò l'azzioni di a CTC è di l'Uffiziu, eppo "a strada" à difiniscia. Ghjuvan Filici Acquaviva hè vultatu dunqua nant'à a pruprietà di i battelli di l'anziana SNCM, nant'à l'amendi di a Cumissioni aurupea, i famosi 440 millioni d'auri chì ùn sò micca stati sguassati è nant'à a discuntinuità chì, d'appressu à ellu, ùn hè ancu sicura. Ssi punti di primura erani stati prisintati, sempri sicondu ellu, cù bucii duranti l'ultima riunioni di l'Assemblea di Corsica.
Steti à senta à Ghjuvan Filici Acquaviva, u presidenti di l'UTC.
Sur le même sujet
