Maritime et lancement d'un test marché pour les OSP : une absurdité pour Paul-Marie Bartoli
(A redazzioni d'Alta Frequenza) - Una prova di marcatu, un tarmini chì ci vularà à aduprà oramai pà ciò chì cuncerna u cartulari sempri cusì caldu di u trasportu marittimu. L'Assemblea di Corsica, in fatti, hà aduttatu vennari scorsu è dopu à un dibattitu micca appassiunatu infini, di pettu à u cuntestu, ssa prucedura di cunsultazioni. In fatti, l'Uffiziu di i Trasporti hà da dumandà à tutti l'uparatori chì viaghjani cù a Corsica di risponda à esigenzi nant'à l'ubligazioni di serviziu publicu. I cumpagnii duvarani dì dunqua ciò ch'elli pensani di u serviziu marittimu trà i porti di Bastia, d'Aiacciu è di quillu di Marseghja. S'è u prublema ùn si poni micca pà i porti sicundarii, induva a dilegazioni di serviziu publicu asisti bè, a Cumissioni aurupea si poni parechji dumandi nant'à i porti di Bastia è d'Aiacciu, induva quì a cuncurrenza asisti è dunqua a dilegazioni ùn hè micca nicissaria. L'Uffiziu di i trasporti si ghjira dunqua ver di i cumpagnii marittimi pà ascultà i so pruposti in materia di ligni chì ùn sariani micca suvvenziunati. L'anzianu presidenti di l'Uffiziu di i Trasporti vedi i cosi d'una manera upposta assai. Par ellu, ssa prova di marcatu hè propiu assurda, parchì tutti i porti isulani ùn poni micca viaghjà senza ch'ella ci fussi dilegazioni di serviziu publicu.
Steti à senta à Paul Marie Bartoli.
Sur le même sujet
