Maritime : E la nave và...
(A redazzioni d'Alta Frequenza) - L’Assemblea di Corsica hà aduttatu dunqua ssu ghjovi à sera u raportu nant’à u statu di i riflessioni cuncirnendu a cumpagnia marittima regiunali. S’è u primu raportu tucchendu i trasporti marittimi, quillu nant’à l’accunciamentu di i conti di sfruttera di i costi di cumbustibuli, hà criatu nisun prublema postu ch’ellu hè statu vutatu à l’unanimità, quillu cuncirnendu a cumpagnia regiunali hà guasgi fattu nascia u focu. Ùn diciaremi micca ch’ellu hè natu arisera un fronti republicanu contr’à a cumpagnia regiunali, ma ùn erami micca luntanu. In fatti, u primu testu di u raportu, ssi famosi riflessioni nant’à a cumpagnia regiunali, hè statu statu mudificatu pà francassi di un votu negativu. 24 voti dunqua, vali à dì tutti i voti naziunalisti, ma solu : hè cusì chì a virsioni nova di u raportu hè stata aduttata. Ancu s’elli ci sò stati solu cinqui voti pà i più cuntistatarii, u gruppu cumunistu ma dinò François Tatti è Paul Marie Bartoli, sò bè quilli chì ani vutatu nè à prò nè contru chì ani parmissu à u testu novu d’essa aduttatu.
Steti à senta à Ghjuvan Filici Acquaviva, u presidenti di l’Uffiziu di i Trasporti, nant’à a scrittura nova di u testu è ghjustu nanzi à u votu difinitivu.
Sur le même sujet
